bye bye David Beckham
佢為左可以再次為國家隊上陣, 踼完美職既聯賽後, 今年第二年以外借身份去到意甲效身 AC, 希望可以得到英格蘭領隊卡比路既重召, 為國效力.
佢既努力當然冇白費, 領隊再次召用碧咸為國家隊上陣, 當然仲未肯定可以包括係世盃 23 人大名單內, 但相信機會好大, 但人算不如天算, 係AC 既比賽末段傷出, 幾乎可以肯定缺席黎梗係世界盃, 無論對佢, 對英格蘭, 對球迷都係一個好大既損失. 而我自己都因為咁而好唔開心. 點解一個咁努力既人, 個天要咁對佢.
人生就係咁, 天意弄人, 你計劃好晒既野, 以為咁做實冇死既時候, 突然一野打沉你, 唔通做人真係要盡人事, 聽天由命 ?
One Response to 'bye bye David Beckham'
Subscribe to comments with RSS or TrackBack to 'bye bye David Beckham'.
雖然無緣代表英格蘭踢世界杯的確係慘絕人寰，但以佢既領袖魅力、號召力量同埋經驗都可以感染國家隊上上下下，我諗卡比路都會帶佢去既，我相信到時候碧咸一樣咁落力鼓勵隊友兼夾團結球迷，世界杯既鏡頭仍然會放喺佢身上。有時候可能上天要利用人作某種角色以完成大眾既願望，聽天由命不如順應天命，適得其所自然會有一番作為呢。
Luk Chi Kuen
25 Mar 10 at 03:21:23