黑白照

sam — Mon, 19 Jul 2010 13:42:34 +0000

從來沒有拍過黑白菲林, 用數碼相片影後, 後制成黑白的就有試過, 用真正的黑白菲林都係第一次, 都唔知會影左一d 咩相出黎. 但一定好得意, 好玩既, 聽日就帶佢出街啦.

黑白照從來都覺得不容易拍的, 冇左色彩, 就好像帶了黑超一樣, 只有光影, 條線. 但就多左一份神秘感, 有冇人可以教下我黑白相應該係點影架?

藍天白雲

sam — Sun, 11 Jul 2010 18:29:04 +0000

這幾天天氣真的十分好, 我們常常說香港再沒有藍天白雲, 這幾天一次過給你連看多天, 喜歡戶外活動既朋友一定得忙吧, 遊水, 船河等等, 可是, 我郤麻麻地喜歡.

昨天跟拍檔又為 twinspanda 接來的新貨忙著, 吃個午飯, 算是一個小小的會議吧, 當然有時我們會因意見不合嘈起來, 但沒有沖擊那有火花呢, 我們都明白大家都只是想為事情好而已. 接著又到我們經常到的布行行街, 行布行織帶行已經成為我們出來的指定行程之一, 30 多度的天氣, 滴著汗穿梭橫街小巷也算是我小小的戶外活動吧! 每次我們也會發現一些新鮮事, 希望籍此為 twinspanda 帶來一些新動力.

近來 twinspanda 有新的發展, 一直以來 twinspanda 也是充當零售的角色, 而銷售的渠道也只有網上一個方法, 實在是非常不足, 可幸近來 twinspanda 和一相機配件店鋪合作成功, 因為他們看中我們是本地的品牌, 相機帶的設計也有特色, 二來他們也想豐富自己貨架的產品, 所以這次合作可以話係雙贏, 各取所需吧.

Twinspanda 運作也有半年多的時間了, 當中遇過不少問題, 我發現解決問題的重點, 不在於IQ 有多高, 在於 “信心” 兩個字. 沒有信心, 恐怕只是一個小問題, 也會無法解決. 我不敢說 twinspanda 會成為一個人人都懂的品牌, 但我有信心它會一直變的越來越好, 發光發亮. twinspanda 現在的情況不算是藍天白雲, 也未致烏雲密佈, 但我深信壞天氣後每每都會出現刺眼陽光, 我期待著 !

晚飯變宵夜 !

sam — Thu, 29 Apr 2010 04:40:40 +0000

由唔知幾時開始, 成日都夜晚都會幫襯呢一間食店, 可能因為10 點打後, 都唔知有咩好食既原因.

咁夜食飯既原因係妳放工又要去返學, 成日好夜先有時間食晚飯, 晚飯變宵夜, 又冇人陪你, 咁我實陪你架啦, 希望你早日讀完書, 脫黎苦海 !!

bye bye David Beckham

sam — Tue, 16 Mar 2010 07:33:10 +0000

佢為左可以再次為國家隊上陣, 踼完美職既聯賽後, 今年第二年以外借身份去到意甲效身 AC, 希望可以得到英格蘭領隊卡比路既重召, 為國效力.

佢既努力當然冇白費, 領隊再次召用碧咸為國家隊上陣, 當然仲未肯定可以包括係世盃 23 人大名單內, 但相信機會好大, 但人算不如天算, 係AC 既比賽末段傷出, 幾乎可以肯定缺席黎梗係世界盃, 無論對佢, 對英格蘭, 對球迷都係一個好大既損失. 而我自己都因為咁而好唔開心. 點解一個咁努力既人, 個天要咁對佢.

人生就係咁, 天意弄人, 你計劃好晒既野, 以為咁做實冇死既時候, 突然一野打沉你, 唔通做人真係要盡人事, 聽天由命 ?

GF1

sam — Wed, 10 Feb 2010 04:08:40 +0000

好耐都冇寫 blog 添, 真係好鬼懶, twinspanda 要出新貨品喇, 先多謝買左我地貨既客人先, 冇大家既支持, twinspanda 唔會出倒新貨.

為左新貨既拍攝, 問好友波波借左型人相機 Panasonic GF1, 外型唔駛講野, 真係型到震, 再配合一支大光圈鏡頭, 唔夠光既環境, 一定可以俾你一個安全既快門, 咁就唔駛怕手震. 不過我自己就興趣不大, 我自己目標下部單鏡要 FF 機, snapshot 我又用 lomo, 不過最主要原因, 係我冇錢呢, HAHA !!

little baby

sam — Tue, 22 Dec 2009 15:27:56 +0000

今日冬至, 正所謂冬至大過年, 公司放早一個鐘, 而我都快快手返屋企沖個涼換件衫, 再回老家做節. 自從家姐 BB 鉦鉦出世之後, 每逄大家見面, 都係圍住 BB 黎玩, 爭住抱爭住玩, 因為佢實在太靚仔可愛喇, 真係飯都食少幾啖, 希望佢快高長大, 好好享受小朋友俾人照顧, 無憂無慮既成長日子, 出黎社會做野一段日子既朋友, 我諗大家都有諗過, 想做返小朋友, 做大人實在太多野煩喇, 諗係咁諗, 現實還現實, 大家都係加把勁吧 !!!

Sunday working day

sam — Sun, 20 Dec 2009 13:59:27 +0000

星期日都係上班既日子, 你一定覺得好辛苦吧, 好在有我陪你返工, 等你覺得無咁慘. 其實我相信你工作上既努力, 一定會換黎成果, 你工作升職不是偶然, 不是好運吧, 而係你真真正正有付出過努力. 努力吧 !

一起為將來努力吧 !!

p.s. 近來喜歡左呢種淡淡既色彩.

Musician

sam — Thu, 17 Dec 2009 13:47:13 +0000

6 月份去台灣時拍下既照片, 行過既時候覺得佢同後面既巨型 poster 卡門非常配合, 所以快快手拍下呢張照片, 直情可以想像倒自己身在一個大歌劇院入面 , 一邊欣賞住美妙既舞蹈, 一邊好享受咁聆聽佢手中既樂器發出既聲音.

佢都算係一位 musician 吧 !

Audi R8

sam — Fri, 04 Dec 2009 15:25:48 +0000

和拍檔都喜歡既 Audi R8, 當然我係冇咁有錢可以擁有一架真車, 但有時望下係書桌上既模型, 都可以好開心, 希望有一日可以真真正正擁有一架.

係屋企試影既, 已經好小心抺走d 塵, 但原來都仲有唔少, 下次小心d 先得.

twinspanda – model

sam — Thu, 03 Dec 2009 17:11:36 +0000

Twinspanda 第一個 model Ashley Ying, 多得有佢既幫手, 我地先可以完成晒所有 product 既相, 雖然我地唔係咩專業攝影師, Ashley 亦都唔係大家口中既 o靚模, 但每個人都好俾心機, 影相既影相, 擺 pose 既擺 pose, 執野既執野, 個個都真係做足 100 分.

地點我地揀左西貢既獅子會, 果日真係天公造美, 好好太陽, 即係熱到 pk, 又多蚊, 唔識死既我仲著左短褲拖鞋, 俾 d 蚊放血咁滯, 差 d 死左係獅子會, 好在最後大家都完成左任務, 去左西頁食返個下午茶, 飲杯冰涼飲品, 今日大功告成 !

如果大家想再睇多d 相片, 可以到 http://www.twinspanda.com

第一批貨品要寄出了

sam — Tue, 01 Dec 2009 14:08:55 +0000

聽日第一批貨品要寄出了, 雖然唔係好多, 但剛剛先開始, 咁快有訂單都真係幾開心。希望客人收倒一樣咁開心咁去用，甚至介紹俾朋友。

係呢度多謝呢幾位客人先 !

開網大吉

sam — Sun, 29 Nov 2009 16:04:21 +0000

攪左幾個月, 尋日終於正式開網大吉, http://www.twinspanda.com, 呢一兩日都好忙咁做梗 promotion, 今日成日都冇停過咁滯, 自己d 野都唔努力上心的話, 真係冇人幫倒你, 總之一定要努力, 努力係成功既第一步吧, 我要加油 !!!!

Audi R8

sam — Thu, 26 Nov 2009 16:58:01 +0000

和好友兼拍檔一樣都喜愛既 Audi R8, 他愛白, 我愛黑. 不知道有否一日, 我們可以將它買下, 好好滿足一下我們兩個 Audi 迷.

一黑一白的 Audi 泊在街邊的畫面, 我深信不會太遠 !

\n[There is a video that cannot be displayed in this feed. Visit the blog entry to see the video.]

Lomo Wall

sam — Tue, 17 Nov 2009 15:21:06 +0000

突然好想換左屋企廰既果幅晝, 靈機一觸, 不如將平日曬左既 lomo 相放入去, 就同女友亂砌一個相框出黎, 就好似人地既 lomo wall 咁, 不過就唔係砌得好工整, 有少少相都斜斜地, 我地決定一個月就換一次入面既相, 睇下又有冇咁勤力 ?!?!

seven 小丸子

sam — Wed, 04 Nov 2009 03:40:36 +0000

早前女朋友係7-11 換返黎既小丸子文具, 我話過幫佢影返張靚相, 所以尋晚影開野, 就幫佢影返一張啦.

lomo – GTR

sam — Tue, 13 Oct 2009 16:00:07 +0000

相機 : lomo lca
菲林 : Fujifilm T64

係公司可以望倒維港既景色, 天氣咁好梗係要影返幾張啦, 我發現海港城頂個露天停車場, 成日泊左一架新款, 車價成百萬既戰神GTR. 我成日諗, 有架咁既靚車, 都應該襯返d 公子哥兒, 車下d 靚女去high 下 tea 呀, 得閒冇事去東區走廊走返轉, 所以好想知個車主係咩人, 但邊有咁橋撞見丫.

果日我對住電腦隻眼累累地, 望下窗邊啦, 點知見倒架戰神泊梗車, 我就留心等佢落車啦, 哈, 原來戰神既車主係一個亞叔, 仲要係娘娘地果種, 同每日大陸幾千幾百人黎果d 自由行冇分別. 其實諗諗下都有道理, 要公子哥兒有架呢d 靚車, 一係二世祖, 一係食軟飯. 唔係好難有能力買得起. 加上呢個亞叔咁既衣著一定唔係司機啦, 我係老細一定抄佢. 所以呢個亞叔一定係靠自己買呢架車, 所以, 亞叔好野.

P.S. 幾時自先買倒我架 dream car, 唔通要等到做亞叔 ? Audi RS4 avant 等我. 大家既dream car 係乜?

飲茶

sam — Sat, 26 Sep 2009 07:50:38 +0000

夜晚放工同女友去左沙田麗豪酒店拎先前買落既奶黃月餅，跟手就搵下有冇野食醫下肚啦，跟住就見倒呢一間食點心既地方 – 車仔記點心皇，就入去食野，叫左6-7 個點心女友就阻止我喇，怕叫得太多食唔晒，事實我地食完果6-7點心已經好飽，好彩冇再叫咋，雖然就唔算話係好好味，但都叫滿足倒我鐘意食點心啦，我諗我地下次唔知食乜既時候，都會再黎!

夠用, 唔夠駛

sam — Tue, 22 Sep 2009 14:17:04 +0000

聽公司 admin 講, 我地黎梗今個月會加人工, 點解咁奇怪 9 月份會加人工? 其實每年我地都會加, 只係今年金融海嘯, 經濟唔好, 公司決定今年年中, 姐係六月先再檢討, 結果決定加返俾我地, 大約係 2%, 幾百蚊, 不過都好過冇既.

節檢係美德, 但人生在世流流長, 物質社會又有大量毒物(相機, 鏡頭, 養魚………), 每日塗毒住你, 試問一個凡人, 又點可以忍得倒, 忍倒既都應該可以脫離凡世, 早登極樂. 自問人工唔算好高, 但比上不足, 比下有餘. 夠用, 但唔夠駛. 對住毒物, 想破戒就好似係身上切舊肉出黎, 肉痛兼肉赤, 銀包仲流血不止, 唉! 幾時先可以夠用, 又夠駛?!?!

長曝慢快門

sam — Fri, 18 Sep 2009 15:15:42 +0000

之前陪女朋友返學, 佢叫我等埋佢放學, 因為佢只係返去用15 分鐘做個 presentation, 我就等埋佢一齊走啦, 咁自己一個人冇野做, 就四圍行下, 拎起個相機影下相啦. (最後我係等左差唔多一個鐘)

影低左呢張長曝慢快門, 個畫面就唔算好靚, d 燈尾唔夠彎彎曲曲, 不過冇計啦, 個地方限制左.

lomo 菲林

sam — Thu, 17 Sep 2009 15:07:07 +0000

Lomo Lca 係一部菲林機, 而菲林既種類咁多, 咁過5-6 隻, 至鐘意都係佢 AGFA CT 100, 再配合 E 沖C既效果, 就會有一種藍死人既感覺, 如果配合晒天氣好, 影出黎既相真係不得了咁靚. 另外 Lomo 自已出既 X-pro silde 亦都係藍死人既菲林黎, 鐘意藍調既朋友, 可以一試.

今日為 twinspanda 網頁設計下個框架, 每頁入面應該有d 乜, 整好個 flow 佢, 睇黎聽日應該可以交功課了.

易極

sam — Tue, 15 Sep 2009 06:11:11 +0000

女朋友個袋一定有既易極, 唔知一次過食10 粒, 感覺係點架呢?

意粉

sam — Fri, 11 Sep 2009 13:42:38 +0000

星期日一起身, 就見倒亞媽黎左我屋企, 幫我執下屋呀, 掃下地咁, 我都廢事理佢, 我有我上網聽歌, 無啦啦佢話食得飯, 竟然係意粉, 印象中亞媽好似10 幾年黎都冇整過意粉俾我食, 為左紀念呢個意粉, 我決定幫佢影張相.

亞媽, 下次可唔可以加d 腸仔呀, 豬扒呀, 總之是但乜都加d, 唔好得果少少肉醬得唔得? 跟住就聽倒 “食你就食啦, 咁多野講”………………….

lomo pic

admin — Fri, 11 Sep 2009 10:40:50 +0000

相機 : lomo lca

lomo lca 台灣遊

sam — Wed, 02 Sep 2009 15:58:41 +0000

相機 : lomo lca
菲林 : Agfa CT Precisa 100, e沖c

6 月去台灣旅行, d 相早幾日先拎去曬相, 真係好鬼懶,

去旅行之前香港打大風, 飛機仲遲左一個鐘先起飛, 橫風橫雨, 不過, 當飛機一穿過左d 厚雲, 藍天白雲就出現喇, 靚到丫, 即刻拎個相機出黎影下先.

去到台灣, 開始都係落雨架, 但由機場去到酒店, 再休息下一陣, 一出去就停晒雨喇, 幾好, 仲好好陽光添, 熱到我死下死下.